Қатаев Нұржан Жолымбекұлы

Нұржан Жолымбекұлы – еркін күрестен халықаралық дәрежедегі спорт шебері, Азия чемпионы, жастар арасындағы Әлем чемпионы, Азия чемпионаттарының жеңімпазы және жүлдегері. Қазақстан Республикасының еңбек сіңірген жаттықтырушысы.

Көпжылдық спорттық және басқарушылық тәжірибесі бар кәсіби маман. Еңбек жолын спорт саласында бастап, кейін мемлекеттік қызметте, соның ішінде спорт және дене шынықтыру саласына жауапты құрылымдарда еңбек етті. Әр жылдары Шымкент қаласының спорт саласын басқарған. 2018 жылы «Ордабасы» футбол клубының президенті болып тағайындалды. 2023 жылы Қазақстан күрес федерациясының вице-президенті болып сайланды.